-
-
میٹا کی زیر ملکیت میسجنگ پلیٹ فارم واٹس ایپ میں اے آئی چیٹ بوٹ کا اضافہ کیا جا رہا ہے۔ ابتدائی طور پر واٹس ایپ کے بیٹا صارفین کیلئے اے آئی چیٹ بوٹ کا فیچر پیش کیا گیا ہے۔
ستمبر 2023 میں میٹا کی جانب سے اعلان کیا گیا تھا کہ بہت جلد واٹس ایپ میں جلد اے آئی چیٹ بوٹ سے چیٹ کرنا ممکن ہو جائے گا اور اب یہ فیچر واٹس ایپ کے بیٹا ورژن میں متعارف کروادیا گیا ہے۔
چیٹ بوٹ سے بات کرنے کے لیے واٹس ایپ میں ایک نیا شارٹ کٹ دیا جا رہا ہے۔ چیٹ جی پی ٹی جیسا یہ اے آئی چیٹ بوٹ کس حد تک صارفین کے لیے مددگار ہوگا، اس بارے میں ابھی کچھ کہنا مشکل ہے۔
ویب بیٹا انفو کی رپورٹ میں بتایا گیا کہ اس چیٹ بوٹ سے مختلف موضوعات پر مستند تفصیلات کا حصول آسان ہو جائے گا اسی طرح چیٹ بوٹ سے روزمرہ کی سرگرمیوں پر مشورے حاصل کیے جاسکیں گے۔
ابھی یہ فیچر بیٹا ورژن میں متعارف کرایا گیا ہے تو یہ کہنا مشکل ہے کہ تمام صارفین کے لیے اسے کب تک پیش کیا جائے گا۔
