عوامی مسلم لیگ کے سربراہ اور سابق وفاقی وزیرداخلہ شیخ رشید احمد نے الیکشن کمیشن کی جانب سے ممنوعہ فنڈنگ کیس کے فیصلے کو پاکستان تحریک انصاف کی فتح اور پی ڈی ایم کی شکست قرار دے دیا۔
شیخ رشید احمد کی جانب سے جاری کردہ بیان میں کہا گیا ہے کہ مخالف 14 سیاسی جماعتوں کی سیاسی ساکھ راکھ بن گئی ہے، عمران خان لوگوں کے دلوں میں گھس گیا ہے، پی ڈی ایم والے اب روئیں ، دھاڑیں ماریں، چیخیں ، چلائیں ، شکست انکا مقدر ہے۔
سابق وزیر داخلہ شیخ رشید نے کہا ہے کہ سپریم کورٹ الیکشن کمیشن کے فیصلے کو پہلی سماعت میں اڑا دے گی۔ عمران خان پر فارن فنڈنگ ثابت نہیں ہوسکی۔
— Sheikh Rashid Ahmed (@ShkhRasheed) August 2, 2022
عوامی مسلم لیگ کے رہنما شیخ رشید نے فارن فنڈنگ سے متعلق الیکشن کمیشن کے فیصلے پر تنقید کرتے ہوئے کہا کہ کھودا پہاڑ نکلا چوہا، 8 سال قوم کا وقت ضائع کیا گیا ہے۔
پی ٹی آئی کیخلاف میڈیا جنگ اپنی موت آپ مرگئی، عمران خان مقبول اور مضبوط سیاسی رہنما ہے، یہ وہ والا وقت نہیں کہ پارٹی پر پابندی لگادی جائے۔
انہوں نے کہا کہ مجھے مکمل یقین ہے کہ ہائی کورٹ، سپریم کورٹ جہاں بھی جانا پڑا ، الیکشن کمیشن کے فیصلے کو پہلے دن ہی اڑا دیا جائے گا۔
مخالف 14 سیاسی جماعتوں کی سیاسی ساکھ راکھ بن گئی ہے، عمران خان لوگوں کے دلوں میں گھس گیا ہے، یہ عمران خان کی فتح اور پی ڈی ایم کی شکست کا دن ہے، ہمیں فورا الیکشن کرانے چاہئیں۔
