-
-
پاکستان سپرلیگ سیون میں مسلسل شکستوں سے دوچار کراچی کنگز کی مشکلات ختم نہیں ہورہی ہیں۔ محمدعامر اور محمدالیاس کے بعد ایک اور فاسٹ باؤلر محمدعمران جونیئر بھی انجری کا شکار ہوگئے۔
کراچی کنگز نے محمدعمران جونیئر کی جگہ فاسٹ باؤلر میر حمزہ کو اسکواڈ میں شامل کرلیا۔ پی ایس ایل کی ٹیکنیکل کمیٹی نے میر حمزہ کو بحیثیت متبادل پلیئر شامل کرنے کی اجازت دے دی ہے۔
اس سے قبل محمدالیاس کی جگہ کراچی کنگز انتظامیہ نے فاسٹ باؤلر عثمان شنواری کو بھی اسکواڈ میں شامل کیا تھا۔ کراچی کنگز نے محمدعامر کا کوئی متبادل پلیئر نہیں لیا۔
پی ایس ایل سیون میں کراچی کنگز کی ٹیم اب تک پانچ میچ کھیل چکی ہے اور اب تک انہیں ایک بھی میچ کامیابی حاصل نہیں ہوسکی ہے۔
