پاکستان تحریک انصاف کے رہنما اور سابق وفاقی وزیر اطلاعات فواد چوہدری نے متحدہ قومی موومنٹ (ایم کیوایم) پاکستان کو ایک بار پھر سخت تنقید کا نشانہ بنایا ہے۔ فواد چوہدری کا کہنا ہے کہ کراچی کی آبادی کم کرنے پر ایم کیوایم نے کردار ادا کیا۔
فواد چوہدری کا نے سماجی رابطے کی ویب سائٹ ٹوئیٹر پر پیغام دیتے ہوئے کہا کہ ایم کیوایم نے کراچی کے عوام کی نمائندگی مزید کم کرنے میں گھناؤنا کردار ادا کیا ہے۔
ایم کیو ایم نے کراچی کے عوام کی نمائندگی مزید کم کرنے میں گھناؤنا کردار ادا کیا ہے، 95فیصد مردم شماری مکمل ہونے کے بعد جس پر پینتالیس ارب روپے لگ گئے شہری سندہ اور خصوصاً کراچی کی آبادی میں نمایاں کمی دکھا دی گئ ہے، اس کے نتیجے میں کراچی دو قومی نشستوں سے محروم ہو سکتا ہے، کراچی…
— Ch Fawad Hussain (@fawadchaudhry) April 12, 2023
فواد چوہدری کے مطابق 95 فیصد مردم شماری مکمل ہونے کے بعد جس پر 45 ارب روپے لگ گئے ہیں شہری سندھ اور خصوصاً کراچی کی آبادی میں نمایاں کمی دکھائی گئی ہے۔
سابق وزیراطلاعات کے مطابق کراچی کی آبادی کم ہونے کے نتیجے میں کراچی 2 قومی نشستوں سے محروم ہوسکتا ہے۔ کراچی کے لوگ ان جماعتوں کا احتساب کریں گے۔
واضح رہے رپورٹس کے مطابق کراچی میں اب تک ہونے والی مردم شماری کے نتائج میں آبادی میں 2017 کی مردم شماری کے مقابلے میں 15 فیصد کمی آئی ہے۔
متحدہ قومی موومنٹ (ایم کیوایم) پاکستان، پاکستان پیپلز پارٹی (پی پی پی)، جماعت اسلامی (جے آئی) سمیت متعدد جماعتوں نے کراچی میں ہونے والی مردم شماری پر تحفظات کا اظہار کیا ہے۔
