محکمہ صحت پنجاب نے سرکاری اسپتالوں کے ڈاکٹروں، نرسوں اور پیرامیڈیکل اسٹاف کو سوشل میڈیا پر جاری کسی بحث کا حصہ بننے سے روک دیا۔
محکمہ صحت جانب سے جاری ایک مراسلے میں ہدایت کی ہے کہ ڈاکٹرز، نرسز اور پیرامیڈیکل اسٹاف سوشل میڈیا پر سیاسی گفتگو سے اجتناب کریں اور سیاسی گفتگو کے میسجز کو سوشل میڈیا پر آگے نہ بڑھائیں۔
نوٹی فکیشن کے مطابق شعبہ صحت سے منسلک ملازم کوئی بھی ڈاکومنٹس پبلک نہیں کرسکتا، محکمہ صحت کا عملہ سیاسی دینی و سماجی بحث و مباحثہ پر پوسٹ نہیں کرے گا۔
محکمہ صحت نے کہا کہ میڈیکل اسٹاف سوشل میڈیا پر شخصیات، گروپوں اور مذہب پر گفتگو سے بھی اجتناب کرے۔ نوٹیفکیشن میں کہا گیا ہے کہ سرکاری مراسلہ جات کو سوشل میڈیا پر شئیر کرکے ان کا تجزیہ کرنے سے بھی گریز کیا جائے
