قومی فٹبال ٹیم کے کپتان صدام حسین نے پاکستان میں فٹبالرز کو کرکٹ جتنے مواقع نہ ملنے پر منفرد انداز میں تنقید کا نشانہ بنایا ہے۔
صدام حسین نے سوشل میڈیا پر جاری کئے گئے پیغام میں لکھا کہ پاکستان میں اب کرکٹ کے 100 پی ایس ایل میچز بھی کروالیں لیکن ارجنٹائن اور فرانس کے درمیان فٹبال جیسے فائنل خوبصورت اسپورٹس کی یادیں نہیں بناسکتے۔
پاکستان میں اب کرکٹ کے 100 PSL بھی کروا لیں. لیکن ارجنٹائن اور فرانس کے فٹبال کے فائنل جیسا خوبصورت اسپورٹس کی یادیں نہیں بنا سکتا۔ جتنے کا پاکستان میں PSL ہوتا ہے۔ اس سے مہنگا قطر کا ورلڈ کپ ٹرافی ہے۔ پاکستان میں کرکٹ گیم نے دوسرے تمام اسپورٹس کا خاموش قتل کیا ہے.
— Saddam HUSSAIN (@SaddamSH17) December 18, 2022
صدام حسین نے لکھا کہ پاکستان میں جتنے کی پی ایس ایل ہوتی ہے اس سے مہنگی تو قطر ورلڈکپ کی ٹرافی ہے۔ پاکستان میں کرکٹ کے کھیل نے دوسرے تمام اسپورٹس کا خاموش قتل کیا ہے۔
صدام حسین کے ٹوئٹ پر لوگوں کے ردعمل پر جواب دیتے ہوئے فٹبالر نے کہا کہ پاکستان میں کرکٹ اور کرکٹرز کو جس طرح سے نوازا جاتا ہے دیگر کھیلوں کو اس طرح سراہا نہیں جاتا۔
حکومت کی جانب سے کرکٹ کے علاوہ کسی بھی دوسرے کھیل کی سرپرستی نہیں کی جاتی۔ پاکستان میں فٹبال کا مناسب اسٹرکچر نہیں ہے۔ یہاں تمام کھیلوں کو مساوی حقوق نہیں دئے جاتے۔
واضح رہے فٹبال ورلڈکپ کے فائنل میں فرانس اور ارجنٹائن کے درمیان سنسنی خیز میچز ہوا۔ میچ مقررہ وقت تک دو دو گول جبکہ اضافی وقت کے بعد تین تین گول سے برابر رہا جسکے بعد پینلٹیز پر ارجنٹائن نے فرانس کو شکست دی۔
