آئی سی سی چیمپئنز ٹرافی کے پاکستان میں شیڈول میچز کی ٹکٹوں کی قیمتیں فائنل ہوگئیں جس کی چئیرمین پی سی بی نے منظوری دے دی، میچز کے لئے ٹکٹوں کی فروخت کا عمل جلد شروع ہونے کا امکان ہے۔ چیمپئنز ٹرافی کا پہلا میچ 19 فروری کو پاکستان نیوزی لینڈ کے درمیان کراچی میں کھیلا جائے گا۔
پی سی بی ذرائع کے مطابق چیمپئنز ٹرافی کی ٹکٹ ایک ہزار میں بھی دستیاب ہوگی، چیمپئنز ٹرافی کے پاکستان کے میچز کی کم سے کم قیمت ایک ہزار جبکہ زیادہ سے زیادہ 25 ہزار مقرر کردی گئی۔ کراچی کے میچز میں پاکستان اور نیوزی لینڈ کے میچ میں فرسٹ کلاس انکلوژرز کی قیمت 4 ہزار،پریمیم کی 7ہزار ہوگی۔ پاکستان نیوزی لینڈ میچ میں وی آئی پی انکلوژر کی 12 ہزار،گیلری کی 25ہزار اور وی وی آئی پی کی 20ہزار مقرر کردی گئی ہے۔ کراچی میں بقیہ دو میچز میں جنرل انکلوژر کی قیمت ایک ہزار ہوگی۔ کراچی میں دیگر میچز میں فرسٹ کلاس 1500، پریمیم3500، وی آئی پی 7ہزار اور گیلری کی 18000 مقرر ہے۔
ذرائع کے مطابق لاہور میں ہونے والے آسٹریلیا انگلینڈ کے میچ میں جنرل انکلوژر 1ہزار،فرسٹ کلاس 2ہزار،پریمیم 5ہزار،وی آئی پی 7500،وی وی آئی پی 12000 اور گیلری کی 18000 روپے مقرر کردی گئی۔ لاہور میں ہونے والے سیمی فائنل کے لئے کم سے کم ٹکٹ کی قیمت 2500 جبکہ زیادہ سے زیادہ قیمت 25000 روپے رکھی گئی ہے۔ راولپنڈی میں پاکستان بنگلہ دیش کے میچ میں جنرل انکلوژر کی قیمت 2ہزار،فرسٹ کلاس 4 ہزار، پریمیم 7ہزار، وی آئی پی کی 12500 روپے مقرر جی گئی جبکہ راولپنڈی میں کھیلے جانے والے دیگر دو راونڈ میچز کی کم سے کم قیمت 1ہزار اور زیادہ سے زیادہ 12ہزار رکھی گئی ہے۔
