-
-
پاکستان سپرلیگ سیون میں کراچی کنگز کی ٹیم مسلسل 8 میچ ہار چکی ہے۔ ملتان سلطانز کے خلاف میچ میں آخری لمحات میں کراچی کنگز کے صدر وسیم اکرم کو باؤنڈری لائن پر بابراعظم کے ساتھ گفتگو کرتے ہوئے انتہائی غصہ میں دیکھا گیا۔
بابراعظم اور وسیم اکرم کے درمیان گفتگو اور وسیم اکرم کے تاثرات کی تصاویر اور ویڈیوز سوشل میڈیا پر وائرل ہوئیں تو سوئنگ کے سلطان وسیم اکرم نے معاملہ کی وضاحت کردی۔
میڈیا رپورٹس کے مطابق وسیم اکرم کا کہنا ہے کہ باؤلرز کو جب چوکے چھکے لگ رہے تھے تو بابراعظم سے صرف یہ پوچھا تھا کہ کیا ہمارے باؤلرز بالکل یارکرز نہیں کراسکتے ؟ باؤلرز کے علاوہ اور کوئی بات نہیں ہوئی کیونکہ انکے خیال میں باؤلرز کو ہدف کا دفاع کرنا چاہئے تھا۔
واضح رہے ملتان سلطانز کے خلاف میچ کے اختتامی لمحات میں وسیم اکرم نے بابراعظم سے گفتگو کے دوران انتہائی ناراض نظر آرہے تھے اور انکے برہمی کے اظہار براہ راست پوری دنیا نے دیکھا۔ تصاویر اور ویڈیوز سوشل میڈیا پر وائرل ہونے کے بعد بابراعظم کے مداح انکے دفاع میں سامنے آگئے ہیں۔
بابراعظم کے مداحوں کا کہنا ہے کہ وسیم اکرم کا بابراعظم کے ساتھ رویہ انتہائی ناروا تھا۔ بابراعظم کراچی کنگز کے کپتان کے ساتھ پاکستان کرکٹ ٹیم کے بھی کپتان ہیں۔ اور قومی کپتان کے ساتھ اس طرح کا رویہ اختیار کسی بھی طرح درست نہیں ہے۔
