-
-
کراچی میں سندھ کے سب سے بڑے سرکاری سول اسپتال کی سیکورٹی کا پول کھل گی۔ کراچی میں اب سرکاری اسپتال بھی محفوظ نہیں رہے چوروں نے سول اسپتال سے قیمتی مشینری چوری کرلی جس کی مالیت لاکھوں روپے ہے۔
میڈیا رپورٹس کے مطابق سول اسپتال کراچی میں چوری کا واقعہ اس وقت ہوا جب اسپتال کی او پی ڈی دو روزہ سرکاری چھٹی کی وجہ سے بند تھی۔
چور نیور و لوجی او پی ڈی کی سیمنٹ کی جالیاں توڑ کر اندر داخل ہوئے۔ سول اسپتال کے درجنوں سرکاری و پرائیویٹ گارڈز کو چوری کا علم نہ ہوسکا۔
سامان غائب ہونے پر انتظامیہ نے پوری سیکورٹی کو طلب کیا، جس کی وجہ سے او پی ڈی میں آنے والے مریضوں کو شدید پریشانی کا سامنا بھی کرنا پڑا۔ اسپتال میں چوری کے دوران ملزمان نے او پی ڈی میں توڑ پھوڑ بھی کی۔
