-
-
بھارتی فلم انڈسٹری بالی ووڈ کے نامور اداکار سنجے دت نے پاکستانی کرکٹ ٹیم کے سابق کپتان جاوید میانداد سے جلد ملاقات کرنے کی خواہش کا اظہار کیا ہے۔
سماجی رابطے کی ویب سائٹ ٹوئٹر پر سابق کپتان جاویدمیانداد نے سنجے دے کی ایک ویڈیو شیئر کی۔ ویڈیو میں سنجے دت جاوید میانداد کو سلام کرتے ہوئے کہتے ہیں کہ آپکی ویڈیو دیکھ کر بہت مزہ آیا۔ بہت عرصے بعد آپکو دیکھ رہا ہوں، بہت اچھا لگا۔
Thank you Dear @duttsanjay and @OmarKhanOK2 for all the love, anxiously waiting to join @BLoveKandy in August 2023 in #LPL2023. pic.twitter.com/we3Y0aPFBY
— Javed Miandad (@Javed__Miandad) July 11, 2023
بھارتی اداکار سنجے دت نے ویڈیو کے اختتام پر جاوید میانداد کو ملاقات کی دعوت دیتے ہوئے کہا کہ جلد کینڈی میں ملاقات کرتے ہیں۔
سنجے دت کی دعوت کے جواب میں جاوید میاںداد نے اپنے ٹوئٹر پیغام میں انکا شکریہ ادا کیا۔ انہوں نے لکھا کہ رواں سال اگست میں لنکا پریمیئر لیگ کی فرنچائز ‘بی لو کینڈی’ میں شامل ہونے کا بے صبری سے انتظار ہے۔
واضح رہے کہ کینڈی شہر سری لنکا میں موجود ہے جہاں اگلے ماہ لنکا پریمیئر لیگ کا آغاز ہونے جارہا ہے۔ اس موقع پر سنجے دت اور جاوید میانداد کی ملاقات کا امکان ہے۔
