-
-
پاکستان کے سب سے بڑے شہر کراچی میں اسٹریٹ کرائم میں پڑھے لکھے نوجوانوں کے ملوث ہونے کا انکشاف ہوا ہے۔ اسٹریٹ کرائم کے وارداتوں میں ملوث 2 ڈاکوؤں کو گرفتار کیا گیا جس میں سے ایک سافٹ ویئر انجینئر نکلا۔
آج نیوز کے مطابق کراچی میں سُپر مارکیٹ پولیس نے اسٹریٹ کرائم کی متعدد وارداتوں میں مطلوب دو ڈاکوؤں کو گرفتار کیا، ان میں سے ایک ڈاکو کے سافٹ ویئر انجینئر ہونے کا انکشاف ہوا ۔
پولیس حکام کا کہنا ہے کہ ملزمان اسٹریٹ کرائم کی متعدد وارداتوں میں مطلوب تھے، جن کی شناخت سفیان اور مدثر کے نام سے ہوئی ہے۔ گرفتار ملزم سفیان سوفٹ ویئرانجینئر ہے، جو دن میں تعلیم حاصل کرتا اور رات میں وارداتیں کرتا ہے۔
پولیس کے مطابق گرفتار ملزمان موبائل کو ان لاک کرنے اور آئی ایم ای آئی تبدیل کرنے کے ماہر ہیں۔ ملزمان کے قبضے سے دو مسروقہ موٹرسائیکلیں بھی برآمد ہوئی، ان کا گروہ چھ افراد پر مشتمل ہے۔
