خیبر پختونخوا کے شہر پشاور کی نمک منڈی میں کئی سالوں سے قائم مشہور ریسٹورنٹ ’ نثار چرسی تکہ‘ کے مالک نثار خان کو پولیس نے گرفتار کر لیا ہے۔
رپورٹ کے مطابق نثار خان کو ایک ویڈیو میں مبینہ طور غیر اخلاقی حرکات کرتے ہوئے دیکھا گیا ہے جس پر تھانہ شاہ قبول پولیس نے کارروائی کرتے ہوئے انہیں گرفتار کر لیا۔
ہمارے ہاں کسی کو عزت راس نہیں، سوشل میڈیا کے مطابق نثار چرسی تکہ کے مالک نثار خان کو غیر ملکی سیاحوں کے ساتھ غیر اخلاقی حرکات پر گرفتار کرلیا گیا، ذرائع کے مطابق پشاور کے مشہور تکہ فروش (چرسی)کے مالک کی سوشل میڈیا پر غیر ملکی سیاحوں کیساتھ غیر اخلاقی حرکات کی ویڈیوز اور عوامی… pic.twitter.com/S4JNqC0zYn
— Nazir Shah (@SsyedHhussain) September 21, 2023
پولیس کے مطابق نثار خان کو ویڈیوز میں ملکی اور غیر ملکی سیاحوں کے ساتھ غیر اخلاقی حرکات کرتے ہوا دیکھا جا سکتا ہے۔ ویڈیو میں ایک شخص کو غیرملکی خواتین کو نازیبا طریقے سے چھوتے ہوئے دیکھا جاسکتا ہے۔
پولیس کا کہنا ہے کہ قانون سب کے لیے برابر ہے اور کوئی اس سے بالاتر نہیں ہے۔ پولیس کے مطابق چرسی تکہ کے مالک نثار خان کے خلاف مقدمہ درج کر کے قانون کے مطابق کارروائی کی جائے گی۔
