سندھ میں طوفانی ہواؤں اور موسلادھار بارش سے مختلف حادثات میں 2 افراد جاں بحق، 4 زخمی

سندھ کے مختلف شہروں میں تیز ہواؤں کے ساتھ موسلادھار بارش، ژالہ باری اور طوفانی ہواؤں کے باعث مختلف حادثات میں 2 افراد جاں بحق اور 4 زخمی ہوگئے ہیں۔

میڈیا رپورٹ کے مطابق بارش سے جیکب آباد، لاڑکانہ، گھوٹکی میں نشیبی علاقے زیر آب آگئے۔ تیز ہواؤں کی وجہ سے سکھر اور حیدرآباد سمیت کئی شہروں میں بجلی کی فراہمی متاثر ہوگئی ہے۔

دادو میں گردوغبار کے طوفان سے متعدد درخت اور بجلی کے پول گرگئے، طوفانی ہواؤں کے باعث مختلف حادث میں پڈعیدن میں 2 افراد جاں بحق جبکہ میہڑ میں چار افراد زخمی ہوئے۔

مزید پڑھیں:کراچی میں آج آندھی اور گرج چمک کیساتھ بارش کا امکان

دوسری جانب پنجاب کے مختلف علاقوں میں بھی بارش سے موسم خوشگوار ہوگیا، لاہور میں رم جھم جبکہ راجن پور، لودھراں، ڈی جی خان، بہاول پور اور رحیم یار خان میں بارش ہوئی۔ ادھر کرک میں سیلابی ریلے میں بہہ کر ایک شخص جاں بحق اور ایک لاپتا ہوگیا، ریلے میں درجنوں بھیڑ بکریاں بھی بہہ گئیں۔

Web Desk