کراچی کی ملیرجیل سے قیدی فرار ہونے پر سات پولیس اہلکاروں کو گرفتار کر لیا گیا
پولیس کے مطابق غفلت برتنے پر پولیس اہلکاروں کو گرفتار کرکے ڈپٹی سپریڈنٹ ڈسٹرک ملیرجیل کی مدعیت میں مقدمہ درج کرلیاگیا ہے۔
واضح رہے کہ کراچی کی ملیرجیل میں قید ملزم محمد جاوید فرار ہونے میں کامیاب ہو گیا تھا۔ قیدی کواغوا اور زیادتی کے کیس میں2 سال قبل سپرہائی وے پولیس نےگرفتارکیاتھا، پولیس کے مطابق قیدی نے واش روم کی کھڑکی کاٹی اور رسی کی مدد سے جیل کی دیوار پھلانگ کر فرارہوگیا۔
میڈیا رپورٹ کے مطابق جیل حکام نے ملزم اور ڈیوٹی پر موجود 8 اہکاروں کے خلاف مقدمہ درج کرنے کی سفارش کی تھی۔ پولیس کا کہنا ہے کہ ملزم کی تلاش کا عمل جاری ہے۔
