صیہونی فوج کی جانب سے لبنان کے دارالحکومت بیروت کے شہری علاقوں میں فضائی حملے جاری ہیں۔
غیر ملکی خبر رساں ادارے کے مطابق وادی بقاع اور عین الدلب سمیت لبنان کے دیگر علاقوں میں اسرائیلی حملوں کے نتیجے میں 108 افراد شہید ہوگئے ہیں- اسی کے ساتھ اسرائیلی فوج نے حزب اللّٰہ کے 120 مقامات کو نشانہ بنانے کا دعویٰ بھی کیا ہے۔
دوسری جانب اسرائیلی فوج نے یمن کے ساحلی شہر الحدیدہ پر بھی بڑا فضائی حملہ کیاہے، جس کے نتیجے میں 4 یمنی شہید اور 29 زخمی ہوگئے۔ اسرائیل کے غزہ کے اسکول سمیت مختلف مقامات پر حملوں میں مزید 28 فلسطینی شہید ہوگئے ہیں-
