متحدہ عرب امارات کے قونصل جنرل ڈاکٹر بخیت عتیق الرومیتی نے چیئرمین ڈسٹرکٹ کونسل سکھر سید کمیل حیدر شاہ کے ہمراہ سکھر بیراج کا دورہ کیا اور سکھر بیراج کے میوزیم اور لائبریری کا معائنہ کیا ہے، ایکسئن سکھر بیراج زاھد مغل نے سکھر بیراج کے حوالے تفصیلی برینفگ دی۔
متحدہ عرب امارات کے قونصل جنرل ڈاکٹر بخیت عتیق الرومیتی نے چیئرمین ڈسٹرکٹ کونسل کے ہمراہ روہڑی کی تاریخی لینس ڈاؤن برج کے قریب برج العرب کی تعمیر کے منصوبے کا سنگ بنیاد بھی رکھا دیا، اس موقع پر متحدہ عرب امارات کے قونصل جنرل کو چیئرمین ڈسٹرکٹ کونسل سکھر اور ڈپٹی کمشنر سکھرنے لینس ڈاؤن پل کی تاریخی اہمیت اور اس کے حوالے سے مختلف پہلوؤں پر تفصیلی بریفنگ دی۔
متحدہ عرب امارات کے قونصل جنرل نے لینس ڈاؤن میوزیم کا بھی دورہ کیا اور علاقے کی ثقافتی ورثے کو اجاگر کرنے کے اقدامات پر تبادلہ خیال کرتے ہوئے ڈاکٹر بخیت عتیق الرومیتی نے کہا کہ یہ منصوبہ نہ صرف علاقائی ترقی میں معاون ثابت ہوگا بلکہ تاریخی اور ثقافتی ورثے کی بحالی اور سیاحت کے فروغ کے لیے ایک اہم سنگ میل ثابت ہوگا۔
