معروف مذہبی اسکالر ڈاکٹر ذاکر نائیک کی دریائے نیل میں کودنے کی ویڈیو سوشل میڈیا پر وائرل ہوگئی۔
مذہبی اسکالر ڈاکٹر ذاکر نائیک نے 165 فٹ بلندی سے بنجی جمپ کا ایڈونچر کیا جس کی ویڈیو سوشل میڈیا کی زینت بن رہی ہے۔
ذاکر نائیک نے بپھری موجوں پر بیٹے کے ساتھ ریور رافٹنگ کا شوق بھی پورا کیا۔سوشل میڈیا پر شیئر کی گئی تصاویر میں ڈاکٹر ذاکر نائیک کو اس دل دہلادینے والے معرکے کی تیاری کرتے، خطرناک چھلانگ لگانے اور نیل کے بہتے پانیوں کے اوپر ہوا میں معلق دیکھا جا سکتا ہے۔
یاد رہے کہ یوگنڈا کے شہر جنجا کو مشرقی افریقا کا ایڈونچر کیپیٹل بھی کہا جاتا ہے جہاں بنجی جمپنگ، وائٹ واٹر رافٹنگ، اور دیگر چیلنجنگ کھیل کھیلے جاتے ہیں۔
ڈاکٹر ذاکر نائیک نے یوگنڈا میں لوکالو کے علاقے میں زیبرا اور امپالاس سمیت مختلف جانوروں کو دیکھا اور ان کے ساتھ وقت گزارا۔
واضح رہے کہ ذاکر نائیک آج کل یوگنڈا کے سرکاری دورے پر ہیں، جہاں مختلف شہروں میں مذہبی اجتماعات و تقریبات سے خطاب کریں گے۔
