پنجاب اسمبلی کی جانب سے ارکان اسمبلی ، صوبائی وزراء، مشیر، معاونین خصوصی، پارلیمانی سیکریٹریز اور اپوزیشن لیڈرز کی سرکاری تنخواہوں میں انتہائی غیر معمولی اضافے کے بعد پنجاب اسمبلی آخری پوزیشن سے پہلی پوزیشن پر آگئی ہے ۔
پنجاب اسمبلی کی جانب سے 16 دسمبر 2024ء کو 426 سے 860 فیصد اضافے سے قبل عوامی نمائندوں کی تنخواہ اورمراعات کے حوالے پہلی پوزیشن بلوچستان اسمبلی کی تھی ، جس کے بعد گلگت بلتستان اسمبلی، خیبر اسمبلی ، سندھ اسمبلی ،آزاد کشمیر اسمبلی ، سینیٹ آف پاکستان قومی اسمبلی اور سب سے آخر میں پنجاب اسمبلی کا نمبر آتا۔
| پنجاب : عوامی نمائندوں کی تنخواہ میں غیر معمولی اضافے کے بعد | |||||
| نئی تنخواہ روپے | اضافہ فیصد | اضافہ روپے | موجودہ تنخواہ روپے | عہدہ | نمبر شمار |
| 960,000 | 860 | 860,000 | 100,000 | صوبائی وزیر | 1 |
| 950,000 | 660 | 825,000 | 125,000 | اسپیکر | 2 |
| 775,000 | 567 | 680,000 | 120,000 | ڈپٹی اسپیکر | 3 |
| 665,000 | 565 | 565,000 | 100,000 | صوبائی مشیر | 5 |
| 665,000 | 565 | 565,000 | 100,000 | معاون خصوصی | 6 |
| 451,000 | 443 | 368,000 | 83,000 | پارلیمانی سیکریٹری | 7 |
| 400,000 | 426 | 324,000 | 76,000 | ممبران اسمبلی | 8 |
| 950,000 | 850 | 850,000 | 100,000 | اپوزیشن لیڈر | 9 |
| پنجاب اسمبلی نے 16 دسمبر 2024ء کوعوامی نمائندوں کی تنخواہوں کے نظرثانی بل 2024ء کی منظوری دی ہے، جس کے بعد عوامی نمائندوں کی تنخواہوں میں426سے 860 فیصد تک غیر معمولی اضافہ ہوا ہے۔اپوزیشن لیڈر کی تنخواہ اورمراعات صوبائی وزیر کے برابر ہیں۔ نوٹ: یہ چارٹ مختلف میڈیا رپورٹس کے اعداد وشمار کی بنیاد پر انتہائی احتیاط سے تیار کیا گیا ہے، اگر کوئی غلطی ہو تو سہواً ہے۔ |
|||||
پنجاب اسمبلی نے 16 دسمبر 2024ء کوعوامی نمائندوں کی تنخواہوں کے نظرثانی بل 2024ء کی منظوری دی ، جس کے بعد عوامی نمائندوں کی تنخواہوں میں426سے 860 فیصد تک غیر معمولی اضافہ ہوا ہے۔ ذرائع کے مطابق اپوزیشن لیڈر کی تنخواہ اورمراعات صوبائی وزیر کے برابر ہونے کی وجہ سے پنجاب اسمبلی کے اپوزیشن لیڈر کی تنخواہ میں بھی از خود اضافہ ہوگیا ہے۔
رپورٹ میں شامل چارٹ مختلف میڈیا رپورٹس کے اعداد وشمار کی بنیاد پر انتہائی احتیاط سے تیار کیا گیا ہے، اگر کوئی غلطی ہو تو سہواً ہے۔
