کراچی میں چمڑا چورنگی کے قریب تیز رفتار بس نے 2 موٹرسائیکل سوار ماموں بھانجے کو کچل ڈالا۔ تفصیلات کے مطابق کراچی کے علاقے کورنگی چمڑا چورنگی کے قریب بس نے موٹر سائیکل سوار 4 افراد کو ٹکر ماری، حادثے میں 2 افراد جاں بحق ہوگئے جبکہ بس کا ڈرائیور موقع سے فرار ہوگیا۔
رپورٹ کے مطابق موٹرسائیکل پرسوار 2 کم عمر بچے حادثے میں محفوظ رہے، جاں بحق افراد کی شناخت سبحان اور معیز کے ناموں سے ہوئی، جو آپس میں ماموں بھانجے تھے تاہم لاشیں اسپتال منتقل کردی گئی ہیں۔ پولیس نے بتایا حادثہ ناصر جمپ سے چمڑا چورنگی جانے والی سڑک پر پی این ٹی گیٹ کے قریب رونما ہوا، ایک موٹر سائیکل پر دوبچوں سمیت چار افراد سوار تھے۔
پولیس کے مطابق موٹر سائیکل پر سوار ایک نوجوان موقع پر جاں بحق ہوا جبکہ دوسرا نوجوان اسپتال منتقلی کے دوران دن توڑ گیا، 2 بچے معمولی زخمی ہوئے۔ پولیس کا کہنا ہے کہ حادثہ جس مقام پر رونما ہوا وہ تھانہ کورنگی کی حدود ہے، حادثے کی زمہ دار ڈرائیور اور مزدہ کوچ سے متعلق معلومات حاصل کررہے ہیں۔
