کراچی کے علاقے سرجانی ٹاؤن یوسف گوٹھ میں گودام سے موٹر سائیکلوں کے چوری کے اسپیئر پارٹس برآمد کر لیے گئے۔ ایس ایس پی ویسٹ طارق مستوئی کے مطابق موٹر سائیکل کے 142 چیسز، 1 انجن، 75 پیٹرول ٹنکیاں، 16 سیٹس، 38 ہینڈل، ڈبل اسٹینڈ، رم، بریک لیور، سائلینسر اور مڈ گارڈ شامل ہیں۔
طارق مستوئی نے بتایا کہ کارروائی کے دوران ایک ملزم کو گرفتار کیا گیا جبکہ خاتون سمیت 4 ملزمان فرار ہو گئے۔ انہوں نے مزید بتایا کہ برآمد ہونے والے موٹر سائیکلوں کے چیسز نمبر ٹیمپر کیے گئے ہیں۔
