شہر قائد کے موسم کے حوالے سے پیشگوئی کرتے ہوئے محکمہ موسمیات نے بتایا ہے آئندہ 24 گھنٹوں کے دوران کم سے کم درجہ حرارت 21 ڈگری سینٹی گریڈ تک رہنے کا امکان ہے۔ کراچی میں 24 گھنٹے کے دوران مطلع صاف رہنے کا امکان ہے اور کم سے کم درجۂ حرارت 20 ڈگری سینٹی گریڈ ریکارڈ کیا گیا ہے۔
محکمہ موسمیات کے مطابق شہر میں زیادہ سے زیادہ درجۂ حرارت 32 سے 34 ڈگری سینٹی گریڈ تک رہنے کا امکان ہے جبکہ ہوا میں نمی کا تناسب 58 فیصد ریکارڈ ہوا ہے۔
دوسری جانب قلات میں کم سے کم درجۂ حرارت صفر ڈگری سینٹی گریڈ ریکارڈ کیا گیا ہے۔ محکمۂ موسمیات کے مطابق وادیٔ کوئٹہ میں آج کم سے کم درجۂ حرارت 1 ڈگری سینٹی گریڈ ریکارڈ کیا گیا جبکہ سبی میں کم سے کم درجۂ حرارت 15 ڈگری سینٹی گریڈ ریکارڈ کیا گیا۔
گوادر میں کم سے کم درجۂ حرارت 18 جبکہ تربت اور جیوانی میں 19 ڈگری سینٹی گریڈ ریکارڈ کیا گیا۔
