-
-
دنیا کے سب سے بڑے انسانی پرچم کا ریکارڈ پاکستان نے اپنے نام کرلیا ہے۔ آرمی پبلک اسکول (اے پی ایس) لاہور کے بچوں نے نیا عالمی ریکارڈ قائم کیا۔
لاہور گیریژن ایجوکیشن سسٹم کے طلبہ نے سب سے بڑا انسانی پرچم بنایا۔ انسانی پرچم بنانے میں 10 ہزار سے زائد طلبہ نے حصہ لیا۔ اس سے قبل انسانی پرچم بنانے کا ریکارڈ بھارت کے پاس تھا۔ بھارت کے 7 ہزار 368 طلبہ نے رواں سال انسانی پرچم بنا کر گنیز بک آف ورلڈ ریکارڈز میں نام لکھوایا تھا۔ تاہم پاکستانی طلبہ نے بڑے مارجن سے بھارت کا ریکارڈ توڑ دیا۔
نیاعالمی ریکارڈ حکومت پنجاب کی جانب سے منعقد کیے گئے، لاہور یوتھ فیسٹول میں بنایا گیا ، منفرد ریکارڈ قائم کرنے کے بعد طلبہ نے جشن منایا اور ملی نغموں کی دھنوں پر جھومتے رہے۔ یوتھ فیسٹیول کے فائنل مقابلے 8 سے 10 نومبر تک فورٹریس اسٹیڈیم لاہور کینٹ میں منعقد کئے جائیں گے ، 8 اور 10 نومبرکو رنگارنگ افتتاحی اور اختتامی تقریبات کا شاندار انعقاد بھی کیا جائے گا۔
