-
-
پاکستان میں روپے کے مقابلے میں کئی دنوں تک ڈالر کی قدر گرنے کے بعد اب ایک بار پھر ڈالر سر اٹھانے لگا ہے۔ مسلسل دوسرے روز کرنسی مارکیٹ میں ڈالر کی قدر میں اضافہ دیکھا جارہا ہے۔
کاروباری مارکیٹ میں آج ڈالر کی قدر میں 12 پیسے اضافہ ہوا۔ انٹربینک میں ایک ڈالر 12 پیسے مہنگا ہونے کے بعد 215 روپے کا ہوگیا ہے جبکہ اوپن مارکیٹ میں ایک ڈالر کی قیمت 217 روپے تک پہنچ گئی ہے۔
دھ کو 13 دن تک مسلسل گرنے کے بعد ڈالر کی قدرمیں اضافہ ہوا تھا۔ انٹربینک میں ڈالر دن کے اختتام پر 214 روپے 88 پیسے پر بند ہوا تھا۔
اوپن مارکیٹ میں ڈالر 214.50 روپے پر ٹریڈنگ کررہا تھا اوردن کے اختتام پرڈالرکی قیمت 2 روپے بڑھ کر214 روپے ہوگئی تھی۔
پاکستان اسٹاک ایکسچینج میں آج صبح کاروبار کا مثبت آغاز ہوا تھا تاہم اب 100 انڈیکس میں کمی دیکھنے میں آئی ہے۔ پاکستان اسٹاک ایکسچینج کا 100 انڈیکس 160 پوائنٹس کم ہو کر 43 ہزار 516 ہو گیا ہے۔
