-
-
کراچی میں پابندی کے باوجود گٹکے اور ماوے کی فروخت کرنے والے ملزم کو پولیس نے گرفتارکرلیا۔ ملزم واٹس ایپ کے ذریعہ گٹکا اور ماوا فروخت کررہا تھا۔
کراچی کے علاقے نیو ٹاؤن میں پولیس نے کارروائی کرتے ہوئے گٹکے اور ماوے کی فروخت میں ملزم کو گرفتار کیا۔ پولیس کے مطابق گرفتار ملزم کا نام محمدتابش ہے۔
ملزم محمدتابش نے پابندی کے باعث گٹکے اور ماوے کی فروخت کیلئے ٹیکنالوجی کا سہارا لیا۔ ملزم علاقے میں مخصوص لوگوں کو واٹس ایپ کے ذریعے گٹکا اور ماوا فروخت کررہا تھا۔
روزنامہ جنگ کی رپورٹ کے مطابق پولیس کا کہنا ہے کہ گرفتار ملزم کے قبضے سے تیار گٹکے اور ماوے کے 75 پیکٹ بھی برآمد ہوئے۔
