-
-
کراچی کے مختلف علاقوں میں رات گئے اچانک بجلی کی لوڈ شیڈنگ میں اضافہ کردیا گیا۔ ترجمان کے الیکٹرک کا کہنا ہے کہ بجلی کی پیداوار معمول پر آرہی ہے۔ اضافی لوڈ مینجمنٹ ختم کردی ہے۔
طوفان بپرجوائے سے پہلے ہی کراچی کے مختلف علاقوں میں رات گئے بجلی کی بندش شروع کردی گئی۔ فیڈرل بی ایریا، لانڈھی، کورنگی، شاہ فیصل کالونی، ملیر، سعدی ٹاؤن، ڈیفنس، گلستان جوہر سمیت کراچی کے مختلف علاقے رات گئے اچانک بجلی سے محروم ہوگئے۔
بجلی کی فراہمی گھنٹوں معطل رہی۔ ترجمان کے الیکٹرک نے سوشل میڈیا پر جاری پیغام میں بتایا کہ طوفان کے باعث ملک میں آر ایل این جی کی سپلائی متاثر ہونے کا خدشہ ہے۔
حالیہ سائیکلون کے پیش نظر ملک میں آر ایل این جی کی سپلائی متاثر ہونے کا خدشہ ہے- ترجمان کےالیکٹرک
اسکا اثر کےالیکٹرک کی پیداوار پر بھی ہوسکتا ہے- ترجمان کےالیکٹرک
صورتحال کا مستقل جائزہ لیا جا رہا ہے اور متعلقہ حکام سے مسلسل رابطے میں ہیں- ترجمان کےالیکٹرک
(1/2) @KElectricPk— Imran Rana, Spokesperson, K-Electric (@imranrana21) June 13, 2023
آر ایل این جی کی سپلائی متاثر ہونے کا اثر بجلی کی پیداوارپر بھی ہوسکتا ہے، آر ایل این جی نہ ملنے پرکراچی میں 2 گھنٹےتک اضافی لوڈ مینجمنٹ کی جاسکتی ہے، لوڈمینجمنٹ کا اطلاق مستثنیٰ صارفین پر بھی ہوگا۔
اضافی لوڈ مینجمنٹ کا اختتام
– آر ایل این جی کی فراہمی بحال ہونے کے باعث شہر میں بجلی کی پیداوار معمول پر آرہی ہے- ترجمان کے الیکٹرک
– اس کے پیش نظر شہر میں اضافی لوڈ منیجمنٹ کا فوری اختتام کیا جارہا ہے- ترجمان کے الیکٹرک@KElectricPk https://t.co/EjltFglebU
— Imran Rana, Spokesperson, K-Electric (@imranrana21) June 14, 2023
ترجمان کے الیکٹرک نے تازہ ترین پیغام میں بتایا کہ آر ایل این جی کی سپلائی بحال ہوگئی ہے جس سے بجلی کی پیدوار معمول پر آرہی ہے۔ شہر میں جاری اضافی لوڈ مینجمنٹ کو فوری طور پر ختم کردیا گیا ہے۔
