-
-
پاکستان میں سیاسی عدم استحکام کے باعث کئی روز تک اڑان بھرنے کے بعد ڈالر کی قدر کی آہستہ آہستہ کم ہونے لگی ہے اور روپیہ مستحکم ہونے لگا ہے۔ آج کاروباری مارکیٹ میں ڈالر کی قدر میں یکمشت بڑی کمی آگئی۔
آئی ایم ایف کی جانب سے پاکستان کے لیے قرض بحالی سے متعلق مثبت پیغام سامنےآنے کے بعد انٹر بینک میں ڈالر کی قیمت گررہی ہے۔ انٹربینک میں آج کاروبار کے آغاز پر ڈالر 1 روپے 38 پیسے سستا ہوکر 137 روپے کا ہوا۔
میڈیا رپورٹس کے انٹربینک میں کاروبار کے ساتھ ساتھ ڈالر کی قدر میں یکمشت بڑی کمی آئی۔ ڈالر کی قدر میں مذید 6 روپے کی کمی ہوئی اور انٹربینک میں ڈالر 231 روپے کا ہوگیا۔
اوپن مارکیٹ میں بھی پاکستانی روپیہ مستحکم ہوگیا اور ایک ڈالر کی قیمت میں 8 روپے 50 پیسے کمی ہوگئی جسکے بعد اوپن مارکیٹ میں ایک ڈالر 232 روپے کا فروخت ہورہا ہے۔
واضح رہے کہ آئی ایم ایف نے کہا ہے پاکستان نے پیٹرولیم لیوی میں اضافہ کرکے آخری شرط بھی پوری کردی جسکے باعث پاکستان کو قرضے کی قسط جلد ملنے کا امکان ہے۔
آئی ایم ایف کی پاکستان میں کنٹری نمائندہ کے مطابق پاکستان نے پیٹرولیم ڈولمپنٹ لیوی میں اضافہ کرکے ساتویں اور آٹھویں جائزہ معاہدے کی آخری پیشگی شرط بھی مکمل کردی ہے۔
آئی ایم ایف ایگزیکٹو بورڈ کا متوقع اجلاس رواں ماہ ہوگا جس میں پاکستان کو اگلی قسط کی منظوری دیئے جانے کا امکان ہے اور رواں ماہ ہی پاکستان کو قرضے کی قسط جاری کی جاسکتی ہے۔
