-
-
پاکستان سمیت جنوب اور مشرقی یورپ، ایشیا کے بیشتر حصوں میں آج رات چاند گرہن ہوگا۔ رواں سال کا یہ پہلا چاند گرہن ہوگا جو آج رات سے کل تک ہوگا۔
میڈیا رپورٹس کے مطابق محکمہ موسمیات کے کا کہنا ہے کہ چاند گرہن پاکستانی وقت کے مطابق رات 8 بج کر 14 منٹ پر شروع ہوگا، جو 10 بج کر 22 منٹ پر اپنے عروج پر ہوگا اور چاند گرہن کا اختتام 6 مئی کو 12 بج کر 32 منٹ پر ہوگا۔
محکمہ موسمیات کا کہنا ہے کہ چاند گرہن جنوب اور مشرقی یورپ، ایشیا کے بیشتر حصوں کے ساتھ ساتھ آسٹریلیا، افریقا، پیسفک ،اٹلانٹک، انڈین اوشن اور انٹارکٹکا میں بھی نظرآئے گا
جیو نیوز کی رپورٹ میں بتایا گیا ہے کہ ڈائریکٹر انسٹیٹیوٹ آف اسپیس سائنس ڈاکٹر جاوید اقبال کا کہنا ہے کہ آج رات نظر آنے والا چاند گرہن پینمبرل ہے، یعنی اس دوران چاند کی چمک ماند پڑ جاتی ہے۔
ان کا کہنا ہے کہ پینمبرل چاند گرہن کے دوران چاند معمول سے 10 فیصد کم روشن ہوتا ہے اور اس کا عام طور پر مشاہدہ مشکل ہوتا ہے۔
