-
-
پاکستان تحریک انصاف نے حکومت پر ملک بھر میں پی ٹی آئی کی ویب سائٹ بلاک کرنے کا الزام عائد کیا ہے۔ پی ٹی آئی کی جانب سے سوشل میڈیا پر ویب سائٹ بلاک ہونے کا دعوٰی کیا گیا۔
پاکستان تحریک انصاف کی جانب سے عام انتخابات کیلئے نامزد کئے جانے والے امیدواروں کیلئے علیحدہ سے پورٹل بنایا گیا ہے جس پر ویب سائٹ سمیت سوشل میڈیا کے ذریعے بھی ویزٹ کیا جاسکتا ہے۔
سپریم کورٹ کے حکم پر پاکستان تحریک انصاف کو عام انتخابات میں بلے کا انتخابی نشان نہیں ملا اور پی ٹی آئی کے امیدوار آزاد حیثیت میں انتخابات میں حصہ لے رہے ہیں اور بیشتر نمائندوں کو ایک ہی انتخابی نشانات دئے گئے ہیں۔
پی ٹی آئی نے اسی کے پیش نظر تمام امیدواروں اور انکے انتخابی نشانات کیلئے علیحدہ سے پورٹل بنایا لیکن اسکے بعد پی ٹی آئی نے دعوٰی کیا کہ ملک بھر میں پی ٹی آئی کی ویب سائٹ بلاک کردی گئی ہے۔
پی ٹی آئی کی جانب سے سماجی رابطے کے پلیٹ فارم ایکس پر نگراں وزیراطلاعات مرتضٰی سولنگی، وزیر آئی ٹی عمر سیف اور پاکستان ٹیلی کمیونیکشن اتھارٹی کو مخاطب کرتے ہوئے پوچھا گیا کہ کیا آپ وضاحت دے سکتے ہیں کہ پی ٹی آئی کی ویب سائٹ کو پاکستان میں کیوں بلاک کیا گیا ہے؟
Hello @murtazasolangi @umarsaif and @PTAofficialpk , can you explain why PTI’s websites are blocked in Pakistan?
People are still getting symbol information from Imran Khan’s Facebook page so the question is what purpose is this block serving? https://t.co/JAQ3B3FfGd
— PTI (@PTIofficial) January 26, 2024
عوام عمران خان کے فیس بک پیج کے ذریعے بھی امیدواروں کے انتخابی نشانات تک رسائی حاصل کرسکتے ہیں تو ویب سائٹ بلاک کرنے کا کیا مقصد ہے ؟
پاکستان تحریک انصاف کے سوشل میڈیا ٹیم کو لیڈ کرنے والے جبران الیاس کی جانب سے بھی سماجی رابطے کے پلیٹ فارم ایکس پر اسی طرح کا پیغام دیا گیا۔
Dear @umarsaif, can you tell Pakistanis why the websites of country’s most popular political party is blocked by you?
You will not be in this position forever. Don’t act like God for your own sake. #RiggingAgainstPTI #PakistanUnderFascism
cc @TheEconomist @hrw @_FAFEN @Anfrel… pic.twitter.com/BCf70w8VZz
— Jibran Ilyas (@agentjay2009) January 25, 2024
واضح رہے پاکستان تحریک انصاف کی ویب سائٹ ملک بھر میں اس وقت کھلی ہوئی ہے اور عوام پی ٹی آئی کی ویب سائٹ پر وزٹ کرسکتے ہیں۔
