-
-
پاکستان کے اسنوکر پلیئر محمد بلال 38 سال کی عمر میں دل کا دورہ پڑنے سے انتقال کرگئے۔ محمد بلال کی تدفین آبائی شہر منڈی بہاؤ الدین میں ہی کی جائے گی۔
محمد بلال کو گزشتہ رات دل میں تکلیف کے باعث اسپتال منتقل کیا گیا لیکن دل کا دورہ جان لیوا ثابت ہوا اور محمد بلال انتقال کرگئے۔ پاکستان اسنوکر اینڈ بلیئرڈ ایسوسی ایشن کی جانب سے محمد بلال کی اچانک وفات پر اظہار افسوس کیا گیا ہے۔
محمد بلال کا شمار پاکستان کے نامور اسنوکر کھلاڑیوں میں ہوتا تھا۔ محمد بلال نے 2019 میں دوحہ میں ٹیم ایونٹ میں ورلڈ ٹائیٹل جیتا تھا۔ محمد بلال دو مرتبہ ایشین چیمپیئن بھی رہ چکے ہیں۔
پاکستان کیوئسٹ نے ایشین اور ورلڈچیمپیئن شپ میں 4 سلور اور 6 برونز میڈل بھی حاصل کئے۔ محمد بلال دو مرتبہ قومی اسنوکر چیمپئن اور دو مرتبہ رنر اپ بھی رہے۔
