-
-
کراچی میں دل کے عارضے کے سب سے بڑے اسپتال این آئی سی وی ڈی میں ایگزیکٹو ڈائریکٹر کی تقرری نہ ہونے پر ٹرانسپرینسی انٹرنیشنل نے نگراں وزیراعلی سندھ جسٹس ریٹائرڈ مقبول باقر کو شکایتی خط لکھ دیا۔
ٹرانسپرینسی انٹرنیشنل کی جانب سے لکھے گئے شکایتی خط میں سندھ ہائی کورٹ کے احکامات پر عملدرآمد نہ کرنے کی بھی شکایت کی گئی ہے۔
خط کی سمری میں لکھا گیا ہے کہ ایگزیکٹو ڈائریکٹرکی بھرتی کی سمری کیوں منظورنہیں کی جارہی؟ سلیکشن کمیٹی کی طرف سے 21 فروری کوسمری ارسال کی گئی تھی۔ سمری میں پروفیسر طاہر صغیر پہلے پروفیسرطارق اشرف دوسرے پر پاس ہوئے جبکہ پروفیسر محمد نواز لاشاری تیسرے نمبر پر تھے۔
خط کے مطابق سیاسی اثرورسوخ رکھنے والے ڈاکٹر ندیم قمرکو سات مہینوں سےغیرقانونی طورپر ای ڈی رکھاگیاہے۔ این آئی سی وی ڈی کے متعلق پہلے بھی کئی خطوط سابقہ وزیرصحت اور وزیراعلی کولکھ چکے کوئی جواب نہیں ملا۔
13 ستمبر کو وزیراعظم کو خط لکھا کہ ندیم قمر کی تقرری اور 66 لاکھ ماہانہ تنخواہ کو غیرقانونی قرار دیا جائے۔ 31 اکتوبر 2022 کو غیر قانونی بھرتیوں اور ترقیوں پر وزیرصحت کو خط لکھ کر آگاہی دی گئی لیکن کچھ نہ ہوا۔
ادارے کوسال 2020-21کے دوران 69 ملین روپے سالانہ اور 345 ملین پانچ سال میں نقصان پہنچایاگیا۔ ادارے میں مستقل ای ڈی کا تقرر کرکے ادارے کو بچایا جائے۔
