-
-
پاکستان میں بڑھتی ہوئی مہنگائی سے جہاں روز مرہ استمعال کی اشیاء متاثر ہیں وہیں عوام کی سب سے زیادہ استعمال کی جانے والی سواری موٹرسائیکل بھی محفوظ نہیں۔ ہونڈا کمپنی نے موٹرسائیکل کی قیمتوں میں اضافے کا اعلان کردیا۔
اٹلس ہونڈا کمپنی کی جانب سے جاری کی گئی قیمتوں کے مطابق موٹرسائیکل کی قیمتیں 9 سے 35 ہزار روپے تک بڑھائی گئی ہیں جنکا اطلاق فوری طور پر کردیا گیا ہے۔
ہونڈا موٹرسائیکل کے سب سے زیادہ استعمال ہونے والے برانڈ سی ڈی 70 کی قیمت میں 9 ہزار روپے کا اضافہ کیا گیا ہے جسکے بعد اسکی قیمت 1 لاکھ 28 ہزار 900 روپے سے بڑھ کر 1 لاکھ 37 ہزار 900 روپے ہوگئی ہے۔
سی ڈی 70 ڈریم کی قیمت 9 ہزار 600 روپے اضافے کے بعد 1 لاکھ 47 ہزار 500 روپے، پرائیڈر کی قیمت 10 ہزار 600 روپے اضافے کے بعد 1 لاکھ 81 ہزار 500 روپے ہوگئی ہے۔
سی جی 125 کی قیمت میں 11 ہزار روپے کا اضافہ کیا گیا ہے اور اسکی نئی قیمت 2 لاکھ 5 ہزار 900 روپے جبکہ سی 125 ایس ای کی قیمت 13 ہزار روپے اضافے کے بعد 2 لاکھ 43 ہزار 900 روپے ہوگئی ہے۔ سی بی 125 ایف کی قیمت میں 25 ہزار روپے اضافہ کیا گیا اور اسکی نئی قیمت 3 لاکھ 30 ہزار 900 روپے ہوگئی ہے۔
سی بی 150 ایف کی قیمت 35 ہزار روپے اضافے کے بعد 4 لاکھ 18 ہزار 900 روپے اور سی بی 150 ایف ایس ای کی نئی قیمت 4 لاکھ 22 ہزار 900 روپے ہوگئی ہے، اسکی قیمت میں 35 ہزار روپے کا اضافہ کیا گیا ہے۔
