کراچی میں ہتھنی مدھوبالا کی چڑیا گھر سے سفاری پارک منتقلی کے لیے غیر ملکی تنظیم فورپاز کی ٹیم پاکستان پہنچ گئی۔ فورپاز کے ڈاکٹرز ہتھنی اور اسکو دی جانے والی سہولیات کا معائنہ کریں گے۔
میڈیا رپورٹس کے مطابق فورپاز ٹیم آج چڑیا گھر میں انتظامات کا جائزہ لے گی، ٹیم سفاری پارک میں ہتھنی کے نئے پنجرے کا بھی معائنہ کرے گی۔
رپورٹس کے مطابق فور پاز ٹیم کراچی میٹروپولیٹن کارپوریشن (کے ایم سی) کے اعلیٰ حکام سے ملاقات بھی کرے گی، ملاقات کے بعد ہتھنی مدھوبالا کی منتقلی کی تاریخ کا اعلان کئے جانے کا امکان ہے۔
واضح رہے کہ کراچی چڑیا گھر میں ہتھنی نور جہاں کی ہلاکت کے بعد مدھوبالا کو سفاری پارک منتقل کرنے کا فیصلہ کیا گیا تھا۔
