کراچی میں بجلی کی ترسیل کے ادارے کے الیکٹرک کو ملک کی دیگر تقسیم کار کمپنیوں کے مقابلے میں سب سے زیادہ سبسڈی دئے جانے کا انکشاف ہوا ہے۔ کے الیکٹرک کو 169 ارب روپے کی سبسڈی دی جاری ہے۔
جیو نیوز کی رپورٹ کے مطابق سیکرٹری پاور ڈویژن راشد لنگڑیال نے ڈسکوز اور کے الیکٹرک کو ملنے والی سبسڈی پربیان میں کہا ہےکہ حکومت تمام بجلی کمپنیوں کو ملا کر بھی کے الیکٹرک سےکم سبسڈی دے رہی ہے۔
راشدلنگڑیال کے مطابق کے الیکڑک 169 ارب روپے کی سبسڈی لے رہی ہے جب کہ دیگر 7 تقسیم کار کمپنیاں 158 ارب روپے کی وفاقی سبسڈی لے رہی ہیں۔ راشد لنگریال کا کہنا ہےکہ بجلی کی 3 تقسیم کار کمپنیاں وفاق سے کوئی سبسڈی نہیں لے رہی ہیں۔
سیکرٹری پاور ڈویژن کے مطابق وفاق کی جانب سے میپکو کو 43 ارب، گیپکو کو 18 ارب، حیسکو کو 35 ارب روپے، پیسکو کو 18 ارب، ٹیسکو کو 9 ارب، سیپکو کو 13ارب اورکیسکو کو 22 ارب روپے کی سبسڈی مل رہی ہے۔
سیکرٹری پاور ڈویژن کا کہنا ہے کہ آئیسکو، لیسکو اور فیسکو وفاق سے کوئی سبسڈی نہیں لے رہیں۔
