کچی آبادی محکمہ ایس بی سی اے سے زیادہ کرپٹ ہے، سندھ ہائی کورٹ

سندھ ہائی کورٹ میں شانتی نگر کچی آبادی میں 6 منزلہ عمارت بنانے کے کیس کی سماعت ہوئی۔ سندھ ہائی کورٹ کے جج نے کیس کے دوران کچی آبادی محکمہ کے سندھ بلڈنگ کنٹرول اتھارٹی سے زیادہ کرپٹ ہونے کے ریمارکس دئے۔

سندھ ہائی کورٹ نے کیس میں ریمارکس دیئے کہ ڈی جی صاحب قابل افسران لگائیں، آپ لوگ صرف تماشہ دیکھ رہے ہیں،ایک عمارت گرے گی تو50لوگ مریں گے۔

ایس بی سی اےنے عدالت کو بتایا کہ کچی آبادیوں میں کارروائی محکمہ کچی آبادی کا اختیار ہے،اس پر عدالت نے کہا کہ کچی آبادی محکمہ تو ایس بی سی اے سے بھی زیادہ کرپٹ ہے۔

وکیل ایس بی سی اے نے کہا کہ کچی آبادیوں میں ہم کارروائی نہیں کرسکتے، ہائیکورٹ نے ریمارکس دیئے کہ ایک دوسرے پر ذمہ داریاں مت ڈالیں۔عدالت نے ڈی جی ایس بی سی اے کوحکم دیا کہ شاہ لطیف سینٹر، اسکیم 24 گلشن اقبال میں فوری کارروائی کرے، عدالت نے 12 اپریل تک رپورٹ طلب کرلی۔

admin