کراچی کے مختلف علاقوں میں بارش کا سلسلہ شروع ہوتے ہی بجلی بھی معطل ہوگئی۔ شہر کے مختلف علاقوں میں کے الیکٹرک کے فیڈرز ٹرپ کرگئے ہیں۔
اے آر وائی نیوز کی رپورٹ کے مطابق کراچی کے مختلف علاقوں میں بارش سے کےالیکٹرک کے 145 فیڈرز ٹرپ کرگئے ہیں جسکے باعث بجلی معطل ہے۔
فیڈرزٹرپ ہونے سے نارتھ کراچی، ملیر، گڈاپ، گلشن معمار، لیاقت آباد، بلدیہ، ماڈل کالونی، کھوکھرا پار، گلستان جوہر، گلشن اقبال، پنجاب کالونی، منگھوپیر، ماڑی پور، اورنگی، لانڈھی اور کورنگی کے علاقے متاثر ہیں۔
ترجمان کےالیکٹرک کا کہنا ہے کہ کےالیکٹرک کاعملہ فیلڈ میں موجود ہے،بارش میں شہری برقی آلات کےاستعمال میں احتیاط کریں، غیر قانونی بجلی کاحصول اورکنڈے جان لیوا حادثات کا سبب بنتے ہیں، نشیبی علاقوں میں حفاظتی اقدامات کے تحت عارضی بجلی بند کی جاسکتی ہے۔
کراچی میں صبح سے کہیں ہلکی بارش کہیں بوندا باندی کا سلسلہ جاری ہے ، لانڈھی، کورنگی، شاہ فیصل کالونی، گلستان جوہر، قائد آباد ، گڈاپ، سرجانی ٹاؤن، تیسر ٹاؤن میں رم جھم، صدر اور اطراف میں بارش ہوئی۔
