کراچی کے علاقے اتحاد ٹاؤں میں راہ چلتی خاتون کو ہراساں کرنے والے ملزم کو پولیس نے گرفتار کرلیا۔ ملزم کی خاتون کے ساتھ نازیبا حرکات کرنے کی ویڈیو سوشل میڈیا پروائرل ہوئی تھی۔
پولیس حکام کے مطابق گرفتار ملزم کی شناخت فیضان کے نام سے ہوئی ہے اور ملزم پرائیویٹ سیکیورٹی گارڈ ہے جو صدام چوک اتحاد ٹاؤن کا رہائشی ہے۔
اتحاد ٹاون میں راہ چلتی خواتین کے ساتھ نازیبا حرکات کرنے والا ملزم گرفتار ۔۔
ڈی آئی جی ساؤتھ عرفان بلوچ نے نوٹس لیتے ہوئے ملزم کی گرفتاری کیلئے احکامات دئے
گرفتار ملزم فیضان پرائیویٹ سیکورٹی گارڈ ہےملزم خاص طور خواتین اسکول ٹیچرز کو آتے جاتے ہوئے ہراساں کرتا تھا pic.twitter.com/nwtgWlKd1n
— South Zone Police (@SouthDig) August 17, 2023
حکام نے بتایا کہ ملزم خاص طور خواتین اسکول ٹیچرز کو آتے جاتے ہوئے ہراساں کرتا تھا جس کی ویڈیوز سوشل میڈیا پر وائرل ہوئی تھیں۔
ویڈیو سوشل میڈیا پر وائرل ہونے پر ڈی آئی جی ساؤتھ عرفان بلوچ نے نوٹس لیکر ملزم کی گرفتاری کے احکامات جاری کئے تھے۔ پولیس نے بتایا کہ اتحاد ٹاون پولیس نے سی سی ٹی وی فوٹیج کی مدد سے ملزم کا سُراغ لگا کر اُسے گرفتار کیا۔ ملزم سے ایک عدد ریوالور برآمد کرکے مقدمہ درج کرلیا گیا ہے۔
