امیرجماعت اسلامی کراچی حافظ نعیم الرحمان کا کہنا ہے کہ کراچی شہر کی بہتری کیلئے سب کو باہر نکلنا ہے۔ کوئی کسی بھی جماعت سے ہو، حق دو کراچی کو ریلی میں شامل ہوکر شہری کی بہتری کیلئے آواز بلند کرے۔
جماعت اسلامی کراچی کی جانب سے کل بروز اتوار 21 اگست کو حق دو کراچی کو مارچ ہوگا۔ حافظ نعیم الرحمان نے عوام کے ساتھ تمام جماعتوں کے کارکنان کو بھی مارچ کا حصہ بننے کی دعوت دی ہے۔
امیر جماعت اسلامی کراچی حافظ نعیم الرحمان نے کہا ہے کہ کوئی کسی بھی جماعت سے ہو کراچی کے لیے سب کو باہر نکلنا ہو گا۔ کراچی کے کسی کام کے لیے کوئی سنجیدہ نہیں۔
حافظ نعیم الرحمان کا کہنا تھا کہ کیوں اس شہر میں جعلی ڈومیسائل بنائے جارہے ہیں، کراچی والوں کے ساتھ کب تک ظلم جاری رہے گا۔ بحریہ کے متاترین کے لیے آواز اٹھائی متاثرین کو رقم دلوائی۔ کے الیکٹرک مافیا کے خلاف بھی جدوجہد جاری رکھیں گے۔
امیر جماعت اسلامی کراچی حافظ نعیم الرحمان نے پریس کانفرنس کرتے ہوئے کہا کہ شہر کی صورتحال بدترین ہو چکی ہے، اخبارات میں خبریں شائع ہوئیں کہ کراچی کی سڑکیں کھنڈرات کا منظر پیش کر رہی ہیں۔
انہوں نے کہا کہ میں ایک ماہ سے کراچی کی سڑکوں پر گھوم رہا ہوں لیکن کسی بھی حکومتی وزرا پر کوئی جوں تک نہیں رینگی۔ 3 دن سے بارشیں نہیں ہوئیں تو بھی سڑکوں کی بہتری کے لیے کام نہیں کیا گیا۔ وزیر خارجہ پیپلز پارٹی کا ہے لیکن یہ کہتے ہیں وفاق سپورٹ نہیں کر رہا۔
حافظ نعیم الرحمان نے کہا کہ آخری مردم شماری مسلم لیگ ن کے دور میں ہوئی تھی جبکہ ایم کیو ایم اور پی ٹی آئی کا بڑا میںڈیٹ تھا۔ ایم کیو ایم نے 40 سال میں کچھ نہیں کیا اب لوگ ان سے جان چھڑانا چاہتے ہیں۔ مردم شماری نہیں کروائی گئی تو انتخابات 2023 میں کیسے ممکن ہوں گے۔
