کراچی میں ضلع جنوبی کی پولیس نے اسٹریٹ کرمنلز کو پکڑنے کیلئے عوام کی مدد مانگ لی۔ پولیس کی جانب سے ملزمان کی نشاندہی کرنے والوں کیلئے انعام کا بھی اعلان کیا گیا ہے۔
ڈی آئی جی ساؤتھ اسدرضا نے 8 اپریل 2024 کو میٹروویل سائٹ اے میں فائرنگ کرکے 2 افراد کو قتل کرنے والے ملزمان کی شناخت کیلئے عوام سے مدد مانگی ہے اور ملزمان کی سی سی ٹی وی سے حاصل کردہ تصاویر بھی جاری کی ہیں۔
ڈی آئی جی ساؤتھ اسد رضا کے مطابق واقعہ میں ملوث ملزمان کی نشاندہی اور گرفتاری میں مدد دینے والوں کو 25 لاکھ روپے انعام دیا جائےگا۔
ساتھ زون پولیس کی جانب سے سوشل میڈیا پر بھی ملزمان کی نشاندہی کرنے والوں کے انعام کا پیغام دیا گیا ہے اور ساتھ میں بتایا گیا ہے کہ ملزمان کی اطلاع دینے والوں کا نام صیغہ راز میں رکھا جائے گا۔
ساؤتھ زون پولیس کے مطابق ملزمان کی اطلاع 02199205670 , 02199205671 یا واٹس ایپ 03355512211 پر دی جاسکتی ہے۔
