پاکستان میں کورونا وائرس کے کیسز میں روز بروز اضافہ ہورہا ہے۔ ملک کا سب سے بڑا شہر کراچی مہلک وبا سے سب سے زیادہ متاثر ہورہا ہے جہاں کورونا وائرس کے مثبت کیسز کی شرح 11اعشاریہ72 تک پہنچ گئی ہے۔نیشنل کمانڈ اینڈآپریشن کے جاری کردہ اعداد و شمار کے مطابق گزشتہ چوبیس گھنٹوں کے دوران کراچی میں 5403 ٹیسٹ کئے گئے جس میں سے 633 افراد میں کورونا کی تشخیص ہوئی۔صوبہ سندھ میں کورونا وائرس کے مریضوں کی تعداد 4لاکھ 85ہزار 782ہوچکی ہے۔
میرپورآزاد کشمیر اور خیبرپختونخوا کے شہر صوابی میں بھی کورونا کی شرح 11فیصد سے زائد ہے۔پاکستان کے دوسرے بڑے شہر لاہور میں گزشتہ 24گھنٹوں کے دوران عالمی وبا کے مثبت کیسز کا تناسب 6اعشاریہ33ریکارڈکیا گیا۔ مجموعی طور پر پاکستان میں کورونا کی شرح 2اعشاریہ 89فیصد ہے۔ پاکستان بھر میں گزشتہ چوبیس گھنٹوں کے دوران 1345کورونا کے مریض سامنے آئے ہیں۔ موذی وائرس کے کُل مریضوں کی تعداد13لاکھ2ہزار486ہوچکی ہے۔
