-
-
کراچی میں سرکاری خاتون کلرک کو 80 لاکھ روپے رشوت لینے کے الزام میں گرفتار کر لیا گیا۔ اینٹی کرپشن اسٹیبلشمنٹ ایسٹ نے ملیر میں کارروائی کرتے ہوئے ایک خاتون کلرک کو گرفتار کیا۔
جیو نیوز کی رپورٹ کے مطابق اینٹی کرپشن کے حکام کا کہنا ہے خاتون کلرک ڈی سی ملیر آفس میں ملازم ہیں، ان کے خلاف مقدمہ بھی درج کر لیا گیا ہے۔
حکام اینٹی کرپشن کا کہنا ہے کہ خاتون کلرک کو 80 لاکھ روپے رشوت لینے کے الزام میں گرفتار کیا گیا، گرفتار خاتون کلرک کی شناخت شبانہ کے نام سے ہوئی ہے۔ ملزمہ شبانہ نے زمین ٹرانسفر کرنے کی مد میں ایک شخص سے رقم وصول کی۔
خاتون کلرک شبانہ کی رشوت وصولی کی ویڈیو بھی سوشل میڈیا پر وائرل ہوئی تھی، خاتون کلرک کو ویڈیو وائرل ہونے پر معطل کردیا گیا تھا۔
