-
-
پاکستان کے سب سے بڑے شہر اور معاشی حب کراچی میں بجلی کی فراہمی بہتر بنانے اور لوڈ شیڈنگ کے خاتمے کیلئے نئے گرڈ اسٹیشن کا سنگ بنیاد رکھ دیا گیا۔ وزیراعلٰی سندھ مراد علی شاہ نے منصوبے کا افتتاح کیا۔
صوبائی محکمہ اطلاعات اور کے الیکٹرک کے سوشل میڈیا پر جاری تفصیلات کے مطابق شہر میں بجلی کے نئے گرڈ اسٹیشن کا سنگ بنیاد رکھ دیا گیا ہے۔ وزیراعلی سندھ مراد علی شاہ نے منصوبے کا سنگ بنیاد رکھا۔ اس موقع پر صوبائی وزیر توانائی امتیاز شیخ اور سابق ایڈمسنٹریٹر کراچی مرتضٰی وہاب بھی موجود تھے۔
Chief Minister #Sindh @MuradAliShahPPP at the ground breaking ceremony of #KE 500 KV KANUPP Interchange Grid at Hawksbay. pic.twitter.com/lsCUH2kKQ2
— Sindh Information Department (@sindhinfodepart) December 13, 2022
کے الیکٹرک ترجمان کے مطابق نئے منصوبے کو کے الیکٹرک کینپ انٹرچینج کا نام دیا گیا جس سے 500کلو واٹ بجلی پیدا ہوگی، کے کے آئی گرڈ 500 کلو واٹ کا پہلا اور کے الیکٹرک کے نظام میں 73واں گرڈ ہے۔
وزیراعلیٰ سندھ نے اس موقع پر میڈیا سے گفتگو کرتے ہوئے کہا کہ کے الیکٹرک کینپ انٹرچینج گرڈ اسٹیشن یقینی طور پر کراچی شہر کی معیشت کو مزید مستحکم کرنے اور ملازمت کے مواقع پیدا کرے گا۔
نیا گرڈ اسٹیشن کے الیکٹرک کے سسٹم کو نیشنل گرڈ سے منسلک کرے گا۔ وزیراعلی سندھ کے مطابق نیشنل گرڈ انٹرچینج کے اس منصوبے پر 13 کروڑ 50 لاکھ ڈالر کی سرمایہ کاری ہوگی۔
CM Sindh @MuradAliShahPPP breaks ground at #KKI grid station. Sindh Energy Minister @ImtiazshaikhMPA & Former Administrator Karachi @murtazawahab1 also attended the ceremony. This is the 73rd grid in KE’s network giving Karachi further access to stable & affordable electricity. pic.twitter.com/sSrkks7s1v
— KE (@KElectricPk) December 12, 2022
اس موقع پر سی ای او کے الیکٹرک مونس عبداللہ علوی نے کہا کہ کے کے آئی گرڈ کے قیام سے کراچی کو نیشنل گرڈ سے 2050 میگاواٹ تک بجلی کی ترسیل کی گنجائش قائم ہوجائے گی۔
