-
-
کراچی میں اورنج اور گرین لائن کو جوڑنے کے لیے شٹل سروس چلانے کا فیصلہ کرلیا گیا۔ شٹل سروس شہریوں کو مفت فراہم کی جائے گی۔
سندھ کے وزیر ٹرانسپورٹ شرجیل انعام میمن کی زیر صدارت محکمہ ٹرانسپورٹ کا اعلیٰ سطح اجلاس ہوا جس میں اورنج اور گرین لائن جوڑنے کے لیے شٹل سروس شروع کرنے کا فیصلہ کیا گیا۔
شرجیل انعام میمن کا کہنا ہے کہ ابتدائی طور پر عید کے فوری بعد انو بھائی پارک تا جناح ویمن کالج تک شٹل سروس مفت فراہم کی جائے گی۔ نمائش تا ٹاور بھی شٹل بس سروس شروع کی جائے گی۔
شرجیل میمن کا کہنا ہے کہ وفاقی حکومت نے پی ایس ڈی پی پروجیکٹ کے تحت 18 بلین مالیت کی 300 بسز کا وعدہ کیا تھا۔ پی ایس ڈی پی پروجیکٹ کے تحت بسز کی فراہمی کے لئے وفاقی حکومت سے بات کی جائے گی۔
انہوں نے کہا کہ تمام اسٹیک ہولڈرز کی کاوشوں سے ریڈ لائن بی آر ٹی کا کام ایک مرتبہ پھر تیزی سے شروع کرنے جا رہے ہیں۔ حکومت سندھ اب انٹر سٹی بس سروس کے آغاز کے منصوبوں پر کام کرنے جا رہی ہے۔ بین الاضلاعی ٹرانسپورٹ پروجیکٹ کے تحت عوام کی سہولت کے لئے 500 بسیں خرید جائیں گی۔
