کراچی میں آج سردی کی شدت میں کمی، 2 ہفتوں تک بارش کا کوئی امکان نہیں

پاکستان کے سب سے بڑے شہر کراچی میں آج صبح سے مطلع جزوی ابرآلود ہونے کے ساتھ ہی سردی کی شدت میں کمی ہے لیکن جنوری کے دو ہفتوں تک بارش کا کوئی امکان نہیں ہے۔

محکمہ موسمیات کی جانب سے کہا گیا ہے کہ آئندہ 24 گھنٹوں کے دوران ہی موسم تبدیلی آئی گی جس سے موسم سرد اور خشک رہنے کا امکان ہے۔ آج رات سے دوبارہ موسم سرد ہونا شروع ہوجائے گا۔

آئندہ 24 گھنٹوں میں کم سے کم درجہ حرارت 12 سے 14 ڈگری سینیٹی گریڈ رہے گا، ساتھ ہی ہوا میں نمی کا تناسب 80 فیصد سے زائد ریکارڈ کیا گیا ہے۔

کراچی میں آئندہ سال جنوری کے دو ہفتوں تک بارش کا کوئی امکان نہیں ہے اور آج بالائی سندھ کے متعدد علاقوں میں بارش متوقع ہے۔

اس کےعلاوہ محکمہ موسمیات نے کہا کہ آج دن بھر سمندری ہوائیں چلیں گی جبکہ صوبے میں سکھر، لاڑکانہ اور جیکب آباد میں بھی ہلکی بارش ہو سکتی ہے۔

Hurmat Majid