-
-
کراچی کے جناح انٹرنیشنل ائیرپورٹ سے مختلف شہروں کو جانے والی 7 پروازیں منسوخ کردی گئیں۔ منسوخ ہونے والی پروازوں میں قومی اور نجی ائیرلائن کی پروازیں بھی شامل ہیں۔
جیو نیوز کی رپورٹ کے مطابق پروازوں پر لوڈ نہ ہونے اور تکنیکی وجوہات کی بنیاد پر پروازوں کو منسوخ کرنے کا فیصلہ کیا گیا۔ جس میں اندورن ملک کے ساتھ بیرون ملک پروازیں بھی شامل ہیں۔
رپورٹ کے مطابق صبح 7 بجے اسلام آباد کی پرواز پی ایف121 اور دبئی کی پرواز ای کے 605 منسوخ ہوئیں۔ کراچی سے لاہور کی صبح 8 بجے کی پرواز ای آر 520 اور دوپہر 12 بجے کی اسلام آباد اور پشاور کی پرواز پی اے 602 منسوخ ہوئیں۔
رپورٹ کے مطابق ائیرپورٹ ذرائع کا کہنا ہے کہ دوپہر پونے 1 بجے کی لاہور کی پرواز ای آر 522 اور گوادر کی پرواز پی کے 503 بھی منسوخ ہوئیں۔ کراچی ایئر پورٹ سے دبئی کی شام 6 بجے کی پرواز پی اے 110 بھی منسوخ ہو گئی۔
