-
-
امیرجماعت اسلامی کراچی حافظ نعیم الرحمان کا کہنا ہے کہ پاکستان پیپلز پارٹی کو سندھ میں پہلی بار مشکلات کا سامنا ہے۔ عوام کی اکثریت جماعت اسلامی کو منتخب کرنے کی حامی ہے۔
کراچی میں پریس کانفرنس کرتے ہوئے حافظ نعیم الرحمان کا کہنا تھا کہ پیپلز پارٹی کو اسٹیبلشمنٹ کی حمایت حاصل ہوتی ہے لیکن پہلی مرتبہ پیپلز پارٹٰی کو اپنے گڑھ سمجھے جانے والے سندھ میں بھی مشکلات کا سامنا ہے۔
امیرجماعت اسلامی کراچی کا کہنا تھا کہ بلدیاتی انتخابات میں عوام جماعت اسلامی کے نمائندوں کو ہی منتخب کریں گے۔ کراچی سے ایم کیوایم بھی اب ختم ہوچکی ہے۔ لیکن ایم کیو ایم جب ختم ہوتی ہے تو اس کے مردہ گھوڑے میں جان ڈال دی جاتی ہے۔
حافظ نعیم الرحمان کا کہنا ہے کہ ایم کیو ایم اب ختم ہوگئی ہے، سروے ہو رہے ہیں کہ 50 فیصد سے زیادہ عوام جماعتِ اسلامی کا میئر چاہتے ہیں۔
حافظ نعیم الرحمان نے کہا کہ سندھی مہاجر جھگڑے کر کے لوگوں کو خوف میں مبتلا کیا جاتا تھا، اب سندھی بلوچ پیپلز پارٹی سے ہاتھ نکال رہے ہیں۔
انہوں نے سوال کیا ہے کہ پی ٹی آئی کے 14 ایم این ایز کو جو فنڈز ملے وہ کہاں گئے؟ پی ٹی آئی نے ساڑھے 3 سال میں کراچی کے لیے کچھ نہیں کیا۔
