-
-
وفاقی وزیر صحت عبدالقادر پٹیل نے عوام کو تلقین کی ہے کہ کورونا کے پیش نظر عیدالاضحی کے دوران ماسک کا استعمال لازمی کریں۔
کورونا وائرس سے بچاؤ کیلئے اہم پیغام دیتے ہوئے وفاقی وزیر صحت عبدالقادر پٹیل نے کہا کہ کورونا وائرس سے پچاو کیلئے موثر اقدامات کو یقینی بنارہے ہیں۔
وفاقی وزیر صحت عبدالقادر پٹیل کا کہنا تھا کہ کورونا وائرس سے نمٹنے کیلئے این سی او سی میں روزانہ کی بنیاد پر اجلاس ہوتا ہے اور کورونا وائرس کی صورت کی کڑی نگرانی کی جاتی ہے۔
وزیرصحت نے عوام سے اپیل کی کہ کورونا وائرس سے بچاؤ احتیاطی تدابیر اختیار کریں اور سماجی فاصلے کو بھی یقینی بنائیں۔ عیدالاضحی کے دوران ماسک کا استعمال کریں اور زیادہ ہجوم والی جگہوں پر جانے سے پرہیز کریں۔
واضح رہے ملک میں گزشتہ چند روز میں کورونا کے کیسز میں اضافہ ہوا ہے۔ گزشتہ 24 گھنٹوں کے دوران 694 نئے کیسز رپورٹ ہوئے۔ ملک بھر میں مثبت کیسز کی شرح 3.93 فیصد ریکارڈ کی گئی ہے۔
محکمہ صحت کے مطابق گزشتہ 24 گھنٹوں میں مجموعی طور پر 17 ہزار 640 ٹیسٹ کئے گئے ہیں۔ جمعرات کے روز کورونا کے باعث کوئی ہلاکت نہیں ہوئی تاہم اسپتالوں میں زیرعلاج کورونا کے مریضوں میں سے 101 کی حالت تشویشناک ہے۔
