-
-
وزیراعظم عمران خان نے طلباء کے لئے اسکالر شپ پورٹل کا اجراء کردیا۔ وزیراعظم نے اسلام آباد میں منعقدہ تقریب میں پورٹل کا افتتاح کیا۔ وزیراعظم عمران خان کا کہنا تھا کہ طلباء کی شکایت پر ماڈرن سسٹم لانے کا فیصلہ کیا۔
تقریب سے خطاب میں وزیراعظم نے کہا کہ دوران تعلیم اسکالر شپس بند ہونے سے طلباء کو پریشانی کا سامنا تھا۔ اقتدار میں آنے کے بعد اندازہ نہیں تھا کہ کتنی اسکالر شپس دینی ہیں۔ لیکن نئے نظام سے یہ فیصلہ کرسکیں کہ اسکالر شپ کا کیا طریقہ کار ہو اور کن مضامین پر اسکالر شپ دی جائے۔
انہوں نے کہا کہ کئی مضامین کی پاکستان میں اہمیت ہی ختم ہوگئی ہے، کئی مضامین کے لوگ ہی پاکستان میں نہیں ملتے ہیں۔
عمران خان نے کہا کہ دین میں زبردستی نہیں ہے، اسکالر شپ کا مقصد نوجوان کو نئی ٹیکنالوجی کی طرف لے کر جانا ہے، اسکالر شپ کا مقصد میرٹ لانا ہوگا۔
وزیراعظم نے مزید کہا کہ طلباء کے پیسے رک جاتے ہیں، وہ دھکے کھاتے پھرتے ہیں، ہم چاہتے ہیں طلباء پڑھائی پر توجہ دیں، انہیں پیسوں کی فکر نہ ہو۔
