-
-
عراق نے پاکستانی زائرین کے لیے ویزا فیس ختم کرنے کا اعلان کر دیا۔ اربعین کے موقع پر پاکستانی زائرین کا کوٹہ بڑھانے کی بھی منظوری دے دی گئی۔
تفصیلات کے مطابق وفاقی وزیرداخلہ رانا ثناء اللہ نے عراقی وزیر اعظم محمد شیاع السودانی سے ملاقات کی، ملاقات میں عراقی وزیر داخلہ عبدالامیر الشماری نے بھی شرکت کی۔
وزارت داخلہ کے مطابق ملاقات میں دفاع اور انسداد دہشت گردی سمیت مختلف شعبوں میں تعاون بڑھانے پر اتفاق کیا گیا، ملاقات میں بریفنگ دی گئی کہ پاکستانی شہری کثیر تعداد میں زیارات کیلئے عراق کا رخ کرتے ہیں۔
دوران ملاقات پاکستانی سرمایہ کاروں کو الیکٹرانک ویزاکی سہولت فراہم کرنے کا فیصلہ بھی کیا گیا جب کہ ساتھ ہی عراق نے پاکستانی زائرین کے لیے ویزافیس ختم کرنے کا اعلان بھی کیا۔
Ended today’s string of meetings by discussing issues of mutual interest with @IraqiPMO Mohammed Shia’ Al Sudani, who was kind enough to abolish visa fees for Pakistani pilgrims and approve an increase in their quota to a hundred thousand.
(1/2) pic.twitter.com/bpbdntICbn
— Rana SanaUllah Khan (@RanaSanaullahPK) August 2, 2023
وزیرِ داخلہ رانا ثناء اللّٰہ نے ملاقات میں کہا کہ پاکستان عراق سے برادرانہ تعلقات کو انتہائی اہمیت دیتا ہے، پاکستانی شہری کثیر تعداد میں زیارتوں کے لیے عراق کا رخ کرتے ہیں۔ رپورٹس کے مطابق وزیرِ داخلہ رانا ثناء اللہ کی درخواست پر ہی عراقی وزیر اعظم نے پاکستانی زائرین کے لیے ویزا فیس ختم کرنے کی منظوری دی۔
ملاقات میں عراقی وزیر اعظم محمد شیاع السودانی نے پاکستانی زائرین کیلئے اربعین کے دوران کوٹہ 50 ہزار سے ایک لاکھ کرنے کی بھی منظوری دی گئی۔
اس موقع پر عراقی وزیر اعظم نے پاکستانی سرمایہ کاروں کو الیکٹرانک ویزا کی سہولت فراہم کرنے کا فیصلہ کیا، انہوں نے معمولی جرائم اور زائد قیام پر عراقی جیلوں میں قید پاکستانیوں کو جلد رہائی یقینی بنانے کے لیے وزارت انصاف کو ہدایات دے دیں۔
وزیر داخلہ رانا ثنا اللہ نے عراقی وزیر اعظم کو پاکستان کے دورے کی دعوت دی، عراقی وزیر اعظم نے جلد پاکستان کا دورہ کرنے کی یقین دہانی کرا دی۔
