حکومت سندھ نے سندھ پولیس کے131انسپکٹرز کو ڈپٹی سپرنٹنڈنٹ (ڈی ایس پی) کے عہدے پر ترقی دے دی۔ ڈی پی سی میں سندھ پولیس کے گریڈ 16 کے 131 انسپکٹرز کو گریڈ 17میں ڈپٹی سپرنٹنڈنٹ پولیس ترقی دی گئی ہے۔
ترقی پانے والے افسران میں راجہ عمر خطاب ،اصغر علی شاہ، سلیم رضا، امان اللہ مگسی،پیر علی اصغر، ، ساجد جاوید، وجاہت نقوی، عبدالحمید جلبانی ذوالفقار علی پٹھان اور دیگر شامل ہیں۔
واضح رہے محکمہ داخلہ سندھ کے جاری نوٹیفکیشن میں سندھ ہائی کورٹ سال 2021سے دائر پٹیشن نمبر ڈی 2511کا بھی حوالہ دیا گیا ہے جس پر عدالت عالیہ کے احکامات کی روشنی میں محکمانہ ترقی کی کمیٹی (ڈی پی سی) کے 12مارچ 2020کو ہونے والے اجلاس میں اس کی منظوری دی گئی۔
