-
-
رمضان المبارک کے بابرکت مہینے کے پیش نظر اسٹیٹ بینک آف پاکستان نے ملک بھر کے بینکوں کیلئے اوقات کار کار کا اعلان کردیا۔ رمضان المبارک میں عوامی لین دین کے اوقات کار دوپہر ڈیڑھ بجے تک ہوں گے۔
اسٹیٹ بینک آف پاکستان کے جاری کردہ اعلامیہ کے مطابق ماہ صیام میں عوامی لین دین کے اوقات کار پیر سے لے کر جمعرات تک صبح 10 بجے سے دوپہر ڈیڑھ بجے تک ہوں گے۔
مرکزی بینک کے اعلامیے میں بتایا گیا ہے کہ جمعہ کے روز عوامی لین دین کے اوقات کار میں مذید آدھا گھنٹہ کمی ہوجائے گی۔ جمعہ کے روز بینک صبح 10 بجے سے دوپہر 1 بجے تک عوامی لین دین کیلئے کھلے رہیں گے۔
اسٹیٹ بینک آف پاکستان کے مطابق رمضان المبارک میں بینکوں کے دفتری اوقات کار پیر سے جمعرات تک صبح 10 بجے سے شام 4 بجے تک ہوں گے جبکہ جمعہ کے روز دوپہر ایک بجے عوامی لین دین کا وقت ختم ہونے کے ساتھ دفتری امور کا وقت بھی ختم ہوجائے گا۔
ماہ صیام کے آغاز پر 4 اپریل کو ملک بھر کے تمام بینک زکوٰۃ کی کٹوتی کیلئے عوامی لین دین کیلئے بند رہیں گے۔
